மும்பை: வாங்கடே மைதானத்தில் நடைபெற்ற கடைசி ஒருநாள் போட்டியில் தென்ஆப்ரிக்கா அணி 214 ரன்கள் வித்தியாசத்தில் அபார வெற்றி பெற்றது. கடைசி ஒருநாள் போட்டியில் இந்தியாவுக்கு 439 ரன்கள் என்னும் இமாலய வெற்றி இலக்கை தென்ஆப்ரிக்கா அணி நிர்ணயித்தது. முன்னதாக டாஸ் வென்ற தென் ஆப்ரிக்கா அணி பேட்டிங்கை தேர்வு செய்து களமிறங்கியது. ஆரம்பம் முதலே அதிரடியில் இறங்கிய அந்த அணியின் மட்டையாளர்களில் மூவர் சதமடித்து அசத்தினர். இறுதியில் 4 விக்கெட்டுகளை மட்டுமே இழந்த அந்த அணி நிர்ணயிக்கப்பட்ட 50 ஓவர்களில் 438 ரன்களை குவித்தது. டி காக் 109 ரன்கள் குவித்து ஆட்டமிழந்தார். அவரை தொடர்ந்து டு பிளிஸ்சிஸ் 133 ரன்கள் குவித்த நிலையில் காயம் காரணமாக வெளியேறினார். அவரை அடுத்து அதிரடி ஆட்டக்காரர் டி விலியர்ஸ் 61 பந்துகளில் 119 ரன்களை குவித்தார். இறுதியில் தென்னாப்ரிக்கா 438 ரன்களை குவித்தது. இதனையடுத்து களமிறங்கிய இந்திய அணி 36 ஓவர் முடிவில் அனைத்து விக்கெட்டுகளையும் இழந்து 224 ரன்கள் மட்டுமே எடுத்து படுதோல்வி அடைந்தது. இந்திய அணியில் அதிகபட்சமாக அஜிங்கியா ரஹானே 87(58) ரன்கள் எடுத்துள்ளார். மும்பை வான்கடே மைதானத்தில் அடிக்கப்பட்ட அதிகபட்ச ஸ்கோர் 438 ரன்கள் தான் என்பது குறிப்பிடத்தக்கது.

Link: http://www.Dinakaran.com/News_detail.asp?Nid=174912

என்னென்ன தேவை?

  தக்காளிப் பழம் - அரை கிலோ

  சர்க்கரை - 2 கப்

  நெய் - 1 கப்

  ஜவ்வரிசி - 1 டேபிள் ஸ்பூன்

  கோவா - 1 கப்

  ஏலக்காய்த் தூள் - அரை டீஸ்பூன்

  முந்திரிப் பருப்பு - 10

  எப்படிச் செய்வது?

  தக்காளிப் பழத்தை நன்றாகக் கழுவி, கொதிக்கும் நீரில் போட்டு ஊறவைத்து, தோலை உரித்தெடுங்கள். ஆறியதும் மிக்ஸியில் போட்டு அரையுங்கள். ஜவ்வரிசியை ஊறவைத்து, வேகவையுங்கள். அடி கனமான வாணலியில் சர்க்கரை சேர்த்து கொதிக்கவிட்டு சிறிது பால் சேருங்கள். கசடு மேலே வந்ததும் அதை நீக்கிவிட்டு, கம்பிப் பாகு பதம் வந்ததும் தக்காளிப் பழக் கூழைச் சேர்த்துக் கிளறுங்கள்.

  நன்கு கொதித்து, கெட்டிப் பதம் வந்ததும், வெந்த ஜவ்வரிசியைச் சேர்த்துக் கிளறுங்கள். ஏலக்காய்த் தூள் தூவி, நெய்யில் முந்திரி பருப்பை வறுத்துச் சேர்த்து, இறக்கிவையுங்கள். பாதாம் பருப்பை ஊறவைத்து, தோலுரித்து, துருவி, தக்காளிப் பழ அல்வா மேல் தூவி, பரிமாறுங்கள். புளிப்பும் இனிப்பும் சேர்ந்த சுவையான தக்காளிப் பழ அல்வா தயார்.

  உஷா

Link: http://tamil.thehindu.com/society/recipes/தக்காளிப்-பழ-அல்வா/article7802711.ece

ஆசாராம் பாபுக்கு எதிரான சாட்சிகள் கொலை செய்யப்பட்ட வழக்கில், சிபிஐ விசாரணையை தொடங்கியுள்ளது. 

ராஜஸ்தான் மாநிலம், ஜோத்பூரில் உள்ள ஆசாராமின் ஆசரமத்தில் தன்னை பாலியல் பலாத்காரம் செய்ததாக சிறுமி அளித்த புகாரின் பேரில், கைது செய்யப்பட்டு 2013 ஆம் ஆண்டிலிருந்து ஆசாராம் சிறையில் உள்ளார். இதுவரை, ஆசாராம் பாபுக்கு எதிரான சாட்சிகள் 9 பேர் மீது மர்ம நபர்கள் தாக்குதல் நடத்தி உள்ளனர். அவர்களில் 3 பேர் உயிரிழந்தனர்.

இந்நிலையில் அகில்குப்தா கொலை வழக்கை சிபிஐ வசம் ஒப்படைக்க வேண்டும் என உத்தரப்பிரதேச அரசு பரிந்துரைத்தது.

இதையடுத்து, அகில்குப்தா கொலை வழக்கு சிபிஐ-க்கு மாற்றப்பட்ட நிலையில், வழக்கு தொடர்பாக ஆவணங்களை முஷாபர்நகர் காவல்துறையினர் சிபிஐ அதிகாரிகள் வசம் நேற்று ஒப்படைத்தனர்.

அதன்படி இந்த வழக்கில் சிபிஐ அதிகாரிகள் இன்று விசாரணையை தொடங்கியுள்ளனர்.

Link: http://www.dinamani.com/india/2015/10/24/பாலியல்-புகார்-ஆசாராம்-பாபு-/article3095404.ece

மொஹரம் பண்டிகைக்கான விடுமுறை சனிக்கிழமைக்கு மாற்றப்பட்டதால் அனைத்து வங்கிகளும் நாளை வழக்கம் போல் இயங்கும் என அறிவிக்கப்பட்டுள்ளது.

தமிழ்நாட்டில் ஆயுத பூஜை, விஜயதசமி மற்றும் மொஹரம் பண்டிகைகளுக்காக தொடர்ந்து 5 நாட்களுக்கு வங்கிகளுக்கு விடுமுறை அறிவிக்கப்பட்டது.

அரசு தலைமை காஜியின் அறிவிப்பைத் தொடர்ந்து மொஹரம் விடுமுறை, வெள்ளிக்கிழமையில் இருந்து சனிக்கிழமைக்கு மாற்றி தமிழக அரசு ஆணை பிறப்பித்தது. இதைத் தொடர்ந்து அனைத்து அரசு அலுவலகங்களும் நாளை வழக்கம்போல செயல்படும் என அறிவிக்கப்பட்டுள்ளது. இதேபோல், வங்கிகள் அனைத்தும் நாளை  இயங்கும் என உயர் அதிகாரிகள் தெரிவித்துள்ளனர்.

வரும் சனிக்கிழமை, நான்காவது சனிக்கிழமை என்பதால் அன்றைய தினம் வங்கிகள் அனைத்திற்கும் விடுமுறை நாள் என்றும் அறிவிக்கப்பட்டுள்ளது.

Link: http://www.dinamani.com/latest_news/2015/10/22/அனைத்து-வங்கிகளும்-நாளை-வழக/article3092225.ece

மத்திய அரசின் கீழ் செயல்பட்டுவரும் எண்ணெய் மற்றும் இயற்கை எரிவாயு நிறுவனத்தில் பல்வேறு பணிகளுக்கான காலியிடங்களை அறிவித்துள்ளது. இந்த பணியிடங்களை நிரப்ப தகுதியும் விருப்பமும் உள்ளவர்களிடமிருந்து விண்ணப்பங்கள் வரவேற்கப்படுகின்றன. பணி மற்றும் காலியிடங்கள் விவரம்:உதவி தொழில்நுட்ப வல்லுநர் - 36, பாதுகாப்புப் பிரிவு மேற்பார்வையாளர் - 03, வாகன ஓட்டுநர் - 44, தீயணைப்பு வீரர் - 15 தகுதிகள்: உதவி தொழில்நுட்ப வல்லுநர், பாதுகாப்புப் பிரிவு மேற்பார்வையாளர் ஆகிய பணிகளுக்குப் பொறியியலில் டிப்ளமோ, இளங்கலை பட்டப்படிப்பிலும், வாகன ஓட்டுநர், தீயணைப்பு வீரர் ஆகிய பணிகளுக்கு 10ஆம் வகுப்பிலும் தேர்ச்சி பெற்றிருக்க வேண்டும். இந்த பணிகளுக்கு 30க்குள் வயதுக்குள் இருக்க வேண்டும் என்று நிறுவனம் தெரிவித்துள்ளது விண்ணப்பக் கட்டணமாக பொதுப் பிரிவினருக்கு ரூ.300, இதர பிரிவினருக்கு ரூ.100 செலுத்த வேண்டும். விண்ணப்பிக்கும் முறை: www.ongcindia.com என்ற இணையதளத்தின் மூலம் ஆன்லைனில் மட்டுமே விண்ணப்பிக்க வேண்டும். தேர்ந்தெடுக்கப்படும் முறை: எழுத்துத் தேர்வு மற்றும் நேர்முகத் தேர்வின் மூலம் தகுதியானவர்கள் தேர்ந்தெடுக்கப்படுவார்கள். விண்ணப்பிப்பதற்கான கடைசித் தேதி நாள்: 20.10.2015

Link: http://tamil.webdunia.com/article/employment-news/job-opportunities-in-ongc-115102000062_1.html

சர்வதேச கிரிக்கெட் போட்டிகளில் இருந்து இந்திய வீரர் ஷேவாக் ஓய்வு பெற்றார். 251 ஒருநாள் போட்டிகளில் விளையாடி 8273 ரன்களை குவித்துள்ளார். 104 டெஸ்ட் போட்டிகளில் விளையாடி உள்ள ஷேவாக் 8,556 ரக்கள் குவித்துள்ளார். 19 சர்வதேச டி-20 போட்டிகளில் 4,048 ரன்கள் எடுத்துள்ளார். 1999-ல் மொகாலியில் பாகிஸ்தான் அணிக்கு எதிரான ஒருநாள் போட்டிகளில் அறிமுகமானார். ஒருநாள் போட்டிகளில் இரட்டை சதம் அடித்த வீரர்களில் வீரேந்திர ஷேவாக்கும் ஒருவர் என்பது குறிப்பிடத்தக்கது. தொடக்க ஆட்டக்காரராக களம் இறங்கி அதிரடி ஆட்டத்தை ஷேவாக் வெளியப்படுத்தியவர்.

Link: http://www.Dinakaran.com/News_detail.asp?Nid=173869

வாஷிங்டன்: வரும் 31-ம் தேதி பூமியை மிகப்பெரிய விண்கல் கடந்து செல்ல இருப்பதாக நாசா ஆய்வு மையம் தெரிவித்துள்ளது. இது குறித்து மிர்ரர் என்ற பத்திரிகை வெளியிட்டுள்ள செய்தியில் கூறியிருப்பதாகவது: சர்வதேச விண்வெளி ஆய்வு மையமான நாசா கடந்த 10-ம் தேதி மிகப்பெரிய விண்கல் ஒன்றை கண்டறிந்தது. இதற்கு 2015 டி.பி. 145 என பெயரிட்டுள்ளது. 280 முதல் 620 விட்டம் கொண்ட இந்த விண்கல் பூமியில் இருந்து 74,02,982 கிலோ மீட்டர் தொலைவில் உள்ளது. தற்போது பூமியை நோக்கி 1,25,529 கி.மீ. வேகத்தில் வந்து கொண்டிருக்கிறது. வரும் 31-ம் தேதி பூமியை கடந்து செல்லும். இந்த நிகழ்வால் பூமிக்கு எந்த பாதிப்பும் ஏற்படாது. இவ்வாறு அந்த பத்திரிகையில் கூறப்பட்டுள்ளது.

Link:  http://www.dinamalar.com/news_detail.asp?id=1367731