செப்.28-ல் அமெ.துணைத்தூதரகம் முற்றுகை: மதிமுக, விசிக உட்பட 29 அமைப்புகள் அறிவிப்பு

செப்.28-ல் அமெ.துணைத்தூதரகம் முற்றுகை: மதிமுக, விசிக உட்பட 29 அமைப்புகள் அறிவிப்பு தமிழீழ இனப்படுகொலையை மறைத்து, கொலைகார இலங்கை அரசையே நீதிபதியாக்கும் வகையில், ஐநா மனித உரிமைப் பேரவையில் அமெரிக்க அரசு தீர்மானம் கொண்டுவருவதைக் கண்டித்து, மதிமுக, விசிக, மமக கட்சிகள் உட்பட 29 தமிழர் அமைப்புகள் சார்பில், வரும் 28-ம் தேதியன்று சென்னையில் உள்ள அமெரிக்கத் துணைத்தூதரக முற்றுகைப் போராட்டம் நடத்தப்படுகிறது. மதிமுக பொதுச்செயலர் வைகோ, மமக துணைத்தலைவர் குணங்குடி அனீஃபா, வழக்கறிஞர் அங்கயற்கண்ணி ஆகியோர், சென்னையில் இன்று செய்தியாளர்களிடம் இதைத் தெரிவித்தனர். ”தமிழர்கள் அமெரிக்கா சொல்லும் உள்நாட்டு பொறி முறையையோ அல்லது உள்நாட்டு பொறி முறையின் இன்னொரு வடிவமான கலப்பு பொறிமுறையையோ ஏற்றுக்கொள்ளவில்லை” என்பதை வெளிப்படுத்தவும் ”ஐ.நா அமைப்பானது, 1948 முதல் தற்போது வரை ஈழத்தமிழர்கள் மீது நடத்தப்பட்டுக் கொண்டிருக்கும் இனப்படுகொலைக்கான சர்வதேச விசாரணையும்,தமிழீழத்திற்கான பொதுவாக்கெடுப்பையும் உடனே நடத்தவேண்டும்” என வலியுறுத்தியும் இந்தப் போராட்டம் நடத்தப்படுவதாக தலைவர்கள் தெரிவித்தனர்.பங்கேற்கும் கட்சிகள் மற்றும் அமைப்புகள்.1.மறுமலர்ச்சி திராவிட முன்னேற்ற கழகம் (மதிமுக)2.தமிழர் தேசிய முன்னனி3.தமிழ்நாடு முஸ்லீம் முன்னேற்ற கழகம் (த.மு.மு.க)4.சோசியல் டெமாக்ரடிக் பார்ட்டி ஆப் இந்தியா (SDPI)5.விடுதலைச் சிறுத்தைகள் கட்சி6.தமிழக மக்கள் முன்னேற்ற கழகம்7.தந்தை பெரியார் திராவிடர் கழகம்8.தமிழ்த் தேசிய பேரியக்கம்9.தமிழக ஒடுக்கப்பட்டோர் விடுதலை இயக்கம்10.திராவிடர் விடுதலை கழகம் 11.புரட்சிகர இளைஞர் முன்னணி 12.தமிழர் விடுதலைக் கழகம் 13.தமிழர் விடியல் கட்சி 14.தமிழ்ப் புலிகள் கட்சி 15.விடுதலை தமிழ்ப்புலிகள் கட்சி16.காஞ்சி மக்கள் மன்றம்17.வழக்கறிஞர் கயல் (எ) அங்கயற்கண்ணி18.அம்பேத்கர் சிறுத்தைகள் இயக்கம்19.தமிழ்த்தேசக் குடியரசு இயக்கம்20.மக்கள் விடுதலை இயக்கம்21.மறுமலர்ச்சி நாம் தமிழர் கட்சி 22.தமிழர் நலன் இயக்கம்23.மக்கள் நலன் இயக்கம்24.இளைய தலைமுறை கட்சி25.தமிழீழ விடுதலைக்கான மாணவர் கூட்டமைப்பு26.தமிழ் இளைஞர்கள் மற்றும் மாணவர் கூட்டமைப்பு27.மாற்றம்- இளையோர் மாணவர் இயக்கம்28.பாலசந்திரன் மாணவர் இயக்கம்29.மே 17 இயக்கம்

Link: http://www.nakkheeran.in/Users/frmnews.aspx?N=151831