ஜிம்பாப்வே பயணத்திற்கான இந்திய அணி அறிவிப்பு: கேப்டனாக ரகானே நியமனம் - ஹர்பஜனுக்கு வாய்ப்பு

புதுடெல்லி, ஜூன் 29- ஜிம்பாப்வே சுற்றுப்பயணத்திற்கான இந்திய அணியை தேர்வு செய்யும் தேர்வுக்குழு கூட்டம் இன்று டெல்லியில் நடைபெற்றது. இதில் ரகானே தலைமையிலான 15 பேர் கொண்ட இந்திய அணி தேர்வு செய்யப்பட்டுள்ளது. அதன்படி ரகானே(கேப்டன்), மனோஜ் திவாரி, உத்தப்பா, அம்பதி ராயுடு, ஹர்பஜன், முரளி விஜய், கேதர் ஜாதவ், மணிஷ் பாண்டே, அக்சர் படேல், கர்ண் ஷர்மா, ஸ்டூவர்ட் பின்னி, மோஹித் ஷர்மா, தவால் குல்கர்னி, புவனேஸ்வர் குமார், சந்தீப் ஆகியோர் இடம்பிடித்துள்ளனர். இதில் 4 வருடங்களுக்கு பின் மீண்டும் ஒரு நாள் போட்டிகளில் விளையாட ஹர்பஜன் தேர்வு செய்யப்பட்டுள்ளார். ஜிம்பாப்வே சுற்றுப்பயணத்தில் 3 ஒரு நாள் போட்டிகளிலும், 2 டி.20 போட்டிகளிலும் இந்திய அணி விளையாட உள்ளது. இச்சுற்றுபயணத்தில் தோனி, கோலி, ரெய்னா, ரோகித் சர்மா, அஸ்வின் ஆகியோருக்கு ஓய்வு அளிக்கப்பட்டுள்ளது குறிப்பிடத்தக்கது.  Link: http://www.maalaimalar.com/2015/06/29135130/Selectors-announce-Indian-squa.html via http://j.mp/tamil_news